«Акылдуу адам — өз напсисин көзөмөлдөп, өлүмдөн кийинки жашоо үчүн амал кылган адам. Алсыз адам болсо — напсисинин каалоолорун ээрчип алып, анан Аллахтан куру кыялдарды гана күткөн адам.» Термизий, 2459, Ахмад, 17164, ибн Маажа, 4260
Ош облусуна караштуу Араван районунун баш имам-хатибинин милдетин аткаруучу Умарали ажы Муратов райондогу "Йакын Инкар" экстремисттик уюмунан баш тарткан жарандар менен бирге, жергиликтүү элге диний баалуулуктар боюнча сабак өттү.
Сабакта ислам дининин негиздери, баалуулуктары, тынчтыктын, ынтымактын маанилүүлүгү тууралуу баяндама жасап, жергиликтүү тургундар менен ынтымактуу мамиледе болууга чакырды.
Ошондой эле, сабактан кийин жергиликтүү тургундар менен биргеликте сый тамак уюштурулуп, Мекенди сүйүү, ынтымак, биримдик боюнча маалыматтар айтылды.
Айта кетсек, үстүбүздөгү жылдын 26-январь күнү Ош шаарындагы борбордук "Имам аль-Бухарий – Алай" мечитинде тереңдетилген сабак өтүлүп, жыйынтыгында Араван районунан "Йакын Инкар" экстремисттик уюмунун 17 мүчөсү баш тарткан.
