Үстүбүздөгү жылдын 20-24-январь күндөрү Баткен облусунун жалпы имамдарына багытталган масштабдуу жыйын өткөрүлдү. Азирети Муфтий Абдулазиз кары Закировдун тапшырмасына ылайык уюштурулган иш-чара облустун Кадамжай району, Баткен жана Раззаков шаарларында өткөрүлүп, ага КМДБнын финансы-чарбалык бөлүмүнүн башчысы Толкунбек ажы Жуманов, чарба адиси Асан ажы Бекматов, облустагы жалпы имам-хатибдер жана имамдар катышты. 

Жыйында төмөнкү маселелер каралды:

1.    Аймактардагы кызматтык автоунаалардын техникалык абалы;
2.    Садака-фитр жана QR-кодду колдонуу;
3.    Имамдардын стипендиясы;
4.    05-токтом боюнча көрсөтмөлөр.

Жыйында Толкунбек ажы Жуманов QR-коддорду туура иштетүү, имамдардын эмгек акысы жана 05-токтом боюнча көрсөтмөлөрдү түшүндүрдү. Иш-чара суроо-жооп менен коштолуп, сунуш-пикирлер айтылды. 

Эскерте кетсек, аталган иш-чара дин кызматкерлеринин финансылык сабаттуулугун арттырууга жана ачык-айкындуулукка негизделген каржылык иштер боюнча комплекстүү маалымат берүүгө (Финик жана QR-коддор) негизделди. Ошондой эле калайыкка диний кызматтын сапатын жакшыртуу, шам баяндарын үзгүлтүксүз жүргүзүү жана мечиттерде китеп бурчтарын уюштуруу боюнча Азирети Муфтийдин буйруктары жеткирилди.